Jólin eru að baki

og loksins dröslast ég til að skrifa eitthvað hérna inn og öpdeita ykkur um líf okkar. Eins og allir vita þá var ég í prófum síðast er ég skrifaði. Þau gengu bara vel og ég fékk tvö B, eitt B-, eitt A- og tvö A... ekki slæmt það. Ég hélt að ég gæti síðan farið að slappa af og gert ekki neitt eftir prófin en nei.. ekki svo auðvelt. Lífið hefur sinn vanagang fyrir jólahátíðirnar og endalaust búðarráp og innkaup fylltu upp daga mína fram að jólum. En núna eru jólin blessuð búin og við tekur afslöppun þar til skólinn heldur áfram í Janúar, mín loka önn.

Börnin blessuð áttu yndisleg pakkajól. Þau fengu margar góðar gjafir þessi jól og fékk ég svona nasaþefinn af því hvernig næstu ár verða. Þetta eru semsagt okkar fyrstu jól saman sem fjölskylda síðan ég flutti hingað út. En já svo ég tali nú aftur um gjafirnar þá fékk hún Penelope mín smá af fötum og MIKIÐ af dóti, þá einna helst prinsessudóti. Hún er öll í prinsessum núna síðan hún horfði á Cindarella í fyrsta skipti um daginn. Eftir það talar hún ekki um annað en Princess og þykist vera princessa. Hún fékk prinsessu tesett, prinsessu barbídúkku, prinsessu náttkjól og skó, síðan fékk hún fullt af Curious George dóti líka því hann er líka í uppáhaldi. Einnig fékk hún Little people Animal farm house, Leapfrog my first computer og leiki fyrir það, krítartöflu á standi úr IKEA, og fleira. Alexander fékk sit and stand sing along station from Fisher price, FÖT því litli karlinn minn á voða lítið sem passar honum þar sem hann hefur rokið upp síðasta mánuð og er kominn í 12-18 mánaða föt enda næstum 10kg að þyngd guttinn. Hann fékk líka viðarleikföng og bíl og eitthvað meir sem ég man ekki eins og er.

Mamman fékk síðan nýjan giftingarhring frá bóndanum enda hafði sá gamli týnst fyrir nokkur. Ég fékk líka fondu sett og tetris leik fyrir xBox360. Frá tengdó og tendapabba fékk ég $100 gjafakort sem ég á að nota í dekur og ætlar mín í klippingu og litun um helgina vonandi. Síðan fengum við sameiginlega stóran hægsuðupott (crockpot) frá mömmu og pabba og stórt George Froman grill. Frá Möggu og familí fengum við æðislegan George Jensen kertastjaka og frá Jóni og familí fengum við æðislegt eldfast fat með loki og standi. Karlinn fékk síðan frá mér einnig nýjan giftingarhring, The Simpsons movie frá börnunum og statíf fyrir iPod í bílinn sem einnig gerir það mögulegt fyrir hann að spila iPodinn í gegnum útvarpið í bílnum þráðlaust!

Já þetta voru okkar jól.. yndisleg hreint þótt heimþrá hafi gert vart um sig er ég heyrði kirkjuklukkunum slá inn jólunum á RÚV á aðfangadag. Það var soldið erfitt en eins og Jason minnti mig á erum við núna að skapa okkar eigin hefðir sem fjölskylda :o)

Já þetta er það helsta sem hefur verið að gerast í okkar litla lífi. Þið getið skoðað nýjar myndir með því að smella á linkinn á myndaalbúmið mitt hér til hliðar.

Ég vona að þið hafið átt yndisleg jól elsku vinir nær sem fær.

Knús,
Sigurborg